Hepdäniň jemi 16-21 ýanwar.
Hepdäniň jemi.
Ýanwar aýynyň üçünji hepdesi halkara we içerki syýasy ähmiýetli birnäçe wakalar bilen bellenildi.
16-njy ýanwar
Hormatly Prezidentimiz Serdar Berdimuhamedow oba hojalyk we daşky gurşawy goramak ministriniň hem-de welaýatlaryň häkimleriniň gatnaşmagynda sanly ulgam arkaly iş maslahatyny geçirdi. Iş maslahatynda ýurdumyzyň welaýatlarynda alnyp barylýan möwsümleýin oba hojalyk işleri bilen baglanyşykly meselelere garaldy.
Türkmenistanda Saýlawlary we sala salşyklary geçirmek boýunça Merkezi toparyň nobatdaky mejlisi geçirildi. Ol Mejlisiň ýedinji çagyrylyşynyň deputatlarynyň, welaýat, etrap we şäher halk maslahatlarynyň bäşinji çagyrylyşynyň agzalarynyň, Geňeşleriň dokuzynjy çagyrylyşynyň agzalarynyň saýlawlaryna taýýarlyk görmek baradaky meselelere bagyşlandy.
17-nji ýanwar
Şu gün hormatly Prezidentimiz Serdar Berdimuhamedow we Russiýa Federasiýasynyň Prezidenti Wladimir Putiniň arasynda telefon arkaly söhbetdeşlik geçirildi.
18-nji ýanwar
Russiýa Federasiýasynyň Tatarystan Respublikasynyň Prezidenti iş sapary bilen Aşgabada geldi.
Türkmenistanyň Milli Geňeşiniň Halk Maslahatynyň we Mejlisiniň bilelikdäki maslahatyna gatnaşjak jemgyýetçiligiň welaýatlardaky wekilleri Aşgabada geldiler.
Döwlet Baştutanymyzyň adyna hat geldi.
19-njy ýanwar
Hormatly Prezidentimiz Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi.
Hormatly Prezidentimiz Serdar Berdimuhamedow Mary welaýatynda iş saparynda boldy.
Ýurdumyzyň Söwda-senagat edarasynyň mejlisler zalynda geçirilen türkmen-russiýa işewürler forumy Türkmenistan bilen Russiýa Federasiýasynyň arasynda netijeli hyzmatdaşlygy ösdürmegiň ýolunda nobatdaky möhüm ädim boldy.
Türkmen-tatar gatnaşyklarynyň ösüşiniň geljekki ugurlary maslahatlaşyldy.
Türkmenistanyň Prezidenti Karara gol çekdi.
Türkmenistanyň Prezidentiniň adyna hat geldi.
20-njy ýanwar
Türkmenistanyň Prezidenti Russiýa Federasiýasynyň Hökümetiniň Başlygy bilen gepleşikleri geçirdi
Türkmenistanyň Prezidentiniň Russiýa Federasiýasynyň Tatarystan Respublikasynyň Prezidenti bilen duşuşdy.
Türkmenistanyň Milli Geňeşiniň Halk Maslahatynyň Başlygy Russiýa Federasiýasynyň Hökümetiniň Başlygy bilen duşuşdy.
Ahal welaýatynyň Baş metjidiniň düýbüni tutulyş dabarasy geçirildi.
“Ýyldyz” myhmanhanasynda dürli görnüşde geçirilen duşuşyklar, şeýle hem Türkmen-russiýa we Russiýa-türkmen Işewürler geňeşleriniň bilelikdäki mejlisinde ikitaraplaýyn işewürlik hyzmatdaşlygynyň ýagdaýy ara alnyp maslahatlaşyldy hem-de hyzmatdaşlyk meýilnamalary anyklaşdyryldy.
Türkmenistanyň Milli Geňeşiniň Halk Maslahatynyň Başlygy we Russiýa Federasiýasynyň Tatarystan Respublikasynyň Döwlet geňeşçisiniň arasynda telefon arkaly söhbetdeşlik geçirildi.
21-nji ýanwar
Milli Geňeşiň Halk Maslahatynyň başlygy Gurbanguly Berdimuhamedowyň başlyklyk etmeginde, Türkmenistanyň Milli Geňeşiniň, ýurdumyzyň jemgyýetçilik wekilleriniň bilelikdäki mejlisi geçirildi.
Türkmenistanyň Milli Geňeşiniň ýurdumyzyň jemgyýetçilik wekilleriniň bilelikdäki mejlisine gatnaşyjylar üçin toý sadakasy berildi.
Hormatly Prezidentimiz Serdar Berdimuhamedowyň gatnaşmagynda şanly waka mynasybetli sungat ussatlarynyň dabaraly konserti boldy
