Özbegistanda ilkinji gezek siam ekizlerini aýyrmak operasiýasy geçirildi
Özbegistanda ilkinji gezek siýam ekizlerini aýyrmak boýunça üstünlikli operasiýa geçirildi. Gyrgyzystanly bäş aýlyk ekizleriň ene-atasy Daşkentdäki Respublikan perinatal merkezinde neonatal hirurgiýa üçin okuw-bejeriş-usulyýet merkezine ýüz tutdular, bu ýerde özbek hirurglary çylşyrymly lukmançylyk amallaryny ýerine ýetirdiler - diýip, ýurduň Saglyk ministrliginiň Telegram kanaly habar berýär.
Özbek merkezi sebitde täze doglan çagalarda çylşyrymly amallary ýerine ýetirmekde özboluşly tejribesi bolan edara hökmünde tanalýar. Körpejeler Fotima we Zuhra 2022-nji ýylyň 31-nji maýynda siam ekizleri bolup doguldylar. Adaty bolmadyk ýagdaý göwreliligiň 28 hepdesinde ýüze çykaryldy we 29 hepdede kesarew usaly arkaly doguryş baradaçözgüt kabul edildi. Ekizleriň doglandaky umumy agramy 1600 gr.
Gyzjagazlaryň öt haltalary aýry-aýrylykda emele gelmegi operasiýa töwekgelçiligi peseltdi. Güýçli gan akmagyň öňüni almak üçin hirurglar häzirkizaman bloodstop gemostatiki materialyny, şeýle hem ultrases we argon skalpelini ulandylar. Ekizleri bir-birinden aýyrmak operasiýasy minimal gan akma bilen tamamlandy.
Hünärmenler çagalaryň ýagdaýyna durnukly diýip baha berýärler we ýakyn wagtda gyzlar keselhanadan çykarylar.
ORIENT news
