Tatarstanda türkmen talyplarynyň 6 müňden gowragy okaýar
Şeýle maglumatlar penşenbe güni Aşgabatda Tatarstan Respublikasynyň baştutany Rustam Minnihanowyň Türkmenistanyň Milli Geňeşiniň Halk Maslahatynyň Başlygy Gurbanguly Berdimuhamedow bilen duşuşygynda mälim edildi. Rustam Minnihanow Türkmenistan bilen Tatarstanyň bilim we gumanitar ugurlardaky hyzmatdaşlygynyň geljeginiň ulydygyny belläp, ony döwlet derejesine çykarmagyň zerurdygyny aýtdy.
– Minnihanow “Tatarstanyň uniwersitetlerinde türkmen talyplarynyň sanynyň artýandygyny we häzirki wagtda maksadaokgunly, jogapkärçiligi duýýan ýaşlaryň sanynyň 6 müňden gowrakdygyny” aýtdy – diýlip, Tatarstan Respublikasynyň Prezidentiniň resmi internet saýtynda çap edilen habarda bellenip geçilýär.
Gurbanguly Berdimuhamedow Tatarstanyň ýolbaşçysynyň sözlerini goldap, gumanitar ugurda taslamalaryň durmuşa geçirilmeginiň iki ýurt üçin möhüm ähmiýete eýediginini we Tatarstan Respublikasynyň uniwersitetlerinde okaýan türkmenistanly ýaşlaryň sanynyň artmagynyň türkmen-tatar gatnaşyklarynyň has-da berkeýändiginiň aýdyň subutnamasydygyny aýtdy.
Rustam Minnihanow Gurbanguly Berdimuhamedowa Russiýa Federasiýasynyň geljegi uly sebiti hökmünde Tatarstana berýän ünsi üçin minnetdarlyk bildirdi we Wolga Bulgariýasy tarapyndan yslamyň kabul edilmeginiň 1100 ýyllygy mynasybetli geçirilen dabaralara Türkmenistanyň gatnaşandygy üçin aýratyn minnetdarlyk bildirdi.
ORIENT news
