Türkmenistanyň Döwlet migrasiýa gullugynyň «Migrasiýa» topary woleýbol boýunça Türkmenistanyň çempionatynda birinji orny eýeledi
Türkmenistanyň Döwlet migrasiýa gullugynyň «Migrasiýa» topary erkek toparlaryň arasynda woleýbol boýunça tamamlanan ýurduň milli birinjiliginde «altyn» medaly gazandy.
Çempionatda ikinji orny Ýagşygeldi Kakaýew adyndaky Nebit we gaz halkara uniwersitetiniň «Nebitçi» topary eýeledi, Türkmenistanyň goranmak ministrliginiň «Milli goşun» topary üçünji orna mynasyp boldy.
Ýaryşlarda şeýle hem Magtymguly adyndaky Türkmen döwlet uniwersitetiniň («Galkynyş»), Türkmen döwlet maliýe institutynyň («Maliýeçi», Içeri işler Ministrliginiň («Galkan»), Türkmenistanyň Döwlet serhet gullugynyň («Serhetçi» ýygyndylary hem gatnaşdylar.
Ýaryş 2022-nji ýylyň oktýabryndan başlap 2023-nji ýylyň ýanwaryna çenli iki tapgyrda geçirildi.
Geljekde Türkmenistanyň Milli woleýbol federasiýasy tarapyndan Federasiýanyň kubogyny almak ugrunda erkek toparlaryň arasynda, woleýbol boýunça zenanlar toparynyň arasynda Türkmenistanyň Çempionatyny, şeýle hem woleýbol boýunça Türkmenistanyň Kubogynyň ýaryşyny geçirmek meýilleşdirilýär.
ORIENT Habarlar
