«Türkmenhimiýa» Garlykdaky kaliý dökünleriniň dag magdan toplumy üçin enjamlary satyn alar
«Türkmenhimiýa» döwlet konserni Garlykdaky kaliý dag-magdan toplumynyň zerurlyklary üçin önüm satyn almak barada halkara tenderini yglan etdi – diýip, «Neýtralnyý Turkmenistan» gazetinde habar berilýär.
Kärhana üçin turbalary, metallary we metaldan edilen önümleri, umumy kärhana hem tehnologik enjamlaryny, elektrotehniki we ölçeýji enjamlary, himiki önümleri we kömekçi serişdeleri satyn almak niýetlenilýär.
Bäsleşige gatnaşmak üçin tenderiň çap edilen gününden başlap 30 iş gününiň dowamynda ýazmaça arza tabşyrylmalydyr. Resminamalar şu salgy boýunça kabul edilýär: Aşgabat ş, Arçabil şaýoly, jaý 132, Türkmenistanyň senagat toplumy, 4 gat. #424, «Türkmenhimiýa» DK-niň material-tehniki üpjünçilik müdirligi.
ORIENT habarlar
Surat: garlykkaliy.com.tm
