Keramikadan şekil ýasama baradaky bilim Ýewropa Hazar sebitinden gelipdir
Keramiki gaplary ýasamak baradaky bilim Ýewropa Hazar sebitinden we Sibirden gelipdir -diýip, Arkeonews Polşanyň Ylymlar akademiýasynyň Arheologiýa we etnologiýa institutyna salgylanyp habar berýär.
«Ýewropada, ýagny Baltika sebiti bolan mezolitik keramikanyň ýaýran ýerinde gaplaryň gelip çykyşy çylşyrymlydyr. Onuň gelip çykyşy b. e. öňki 4700-nji ýyl diýlip çaklanylýar we irki neolitiň, şeýle hem Gündogardan gelen ikilenç täsiriň netijesi diýlip hasaplanýar» – diýip, Polşanyň Ylymlar akademiýasynyň doktory Angeşka Çekaý-Zastawny gürrüň berýär.
Polşadan, Ýork uniwersitetinden we Britaniýanyň muzeýinden bolan alymlar topary 156 ýerden tapylan awçylaryň-ýygnaýjylaryň hojalygy bilen bagly bolan 1200 sany keramika gaplarynyň barlagyny geçirdiler. Olaryň ylmy barlagyna laýyklykda keramikadan gap ýasamak başarnygy takmynan b. e. öňki 5900-nji ýylda bir nesiliň ömrüniň dowamynda Hazar sebitinden we Sibirden ýaýrapdyr.
Çalt ýaýramagy ilatyň göçmegi sebäpli we ýakyn aralykda ýaşaýan jemgyýetleriň arasynda maglumat alşygynyň bolmagy sebäpli bolup geçipdir. Şunda keramikanyň iň gadymy nusgalary Hytaýda tapylypdyr: olaryň senesi b.e. öňki 20 000-nji ýyldan 19 000-nji ýyl diýlip bellenilýär.
ORIENT habarlar
Surat: dzen.ru
