Ýewropada gazyň birža bahasy 7% ýokarlanýar
London ICE biržasynyň maglumatlaryna görä, hepdäniň ilkinji söwda güni Ýewropada gazyň birža bahasy 7% ýokarlanýar we her müň kub metri üçin 800 dollardan geçýär.
TTF indeksi boýunça (Gollandiýada ýerleşýän Ýewropadaky iň uly merkez) fewral fýuçers şert namalary her müň kub metr gaz (+ 2%) üçin 773,6 dollar baha bilen söwdany açdylar. Moskwa wagty bilen 10.31-e çenli olaryň bahasy eýýäm 811,4 dollara (+ 7%) bardy. Kotirowkalaryň dinamikasy bir gün öňinçä söwda güni - anna günününiň hasaplaşyk bahasyndan getirilip, ol müň kub metr üçin 758,5 dollara deňdir.
Şol bir wagtyň özünde, 5-nji ýanwarda, 2021-nji ýylyň 10-njy sentýabryndan bäri takmynan 16 aýyň içinde Ýewropada ilkinji gezek gazyň birža bahalary müň kub metri üçin 700 dollardan aşak düşdi. Hünärmenler Ýewropa biržasynda gaz kotirowkalarynyň bahalarynyň düşmeginiň howanyň ýylamagy we ýelden energiýa öndürilişiniň ýokarlanmagy bilen baglanyşyklydygyny bellediler. “Bloomberg” agentligi soňky ýyllarda iň ýyly ýanwaryň bolmagyna garaşylýandygyny habar berdi.
Şeýlelikde, Wind Ýewropa ýel energiýasy asssosiasiýasynyň maglumatlary Ýewropa Bileleşiginde ýel elektrik beketleriniň energiýa önümçiliginiň jemi 31,6%-e ýetendigini görkezýär, bu görkeziji ýyllyk ortaçadan takmynan iki esse, ýagny 15% ýokary bolan 2022-nji ýyldan bäri iň ýokary görkezijileriň biridir. Muňa garamazdan, bilermenler Ýewropadaky gaz merkezleriniň hereket edip başlan döwri içinde, ýagny 1996-njy ýyldan bäri bular ýaly durnukly ýokary bahalaryň bolmandygyny nygtaýarlar.
Nury AMANOW
