Türkmen mekdep okuwçylary Hindistanda geçirilen iňlis dili boýunça Halkara olimpiadasynyň ýeňijileri boldular
9-11-nji synp bolan türkmen mekdep okuwçylary - Aşgabadyň Saparmyrat Türkmenbaşy adyndaky ýöriteleşdirilen umumybilim berýän mekdep-internatynyň 12 sany okuwçysy iňlis dili boýunça geçirilen Science Olympiad Foundation (SOF) halkara internet-olimpiadasynyň ýeňijileri boldular - diýip, «Neýtralnyý Turkmenistan» gazeti habar berýär.
Dünýäniň 68 ýurdundan 70 müň okuwçynyň gatnaşan bäsleşiginde Türkmenistandan 14 sany wekil gatnaşdy, olaryň aglabasy baş baýragyň - Gran-priniň eýeleri boldular, şeýle hem indiki tapgyra gatnaşmaga hukuk gazandylar. Onunjy synp okuwçysy Akmyrat Akynyýazow altyn medala mynasyp boldy.
Onlaýn formatda geçen Olimpiada Hindistanyň Gurgaon şäherinde gurnaldy, çäräniň esasy maksady bolsa mekdep okuwçylarynyň dil başarnyklaryny barlamakdyr, şunda olaryň grammatikadan çuňňur bilimine üns berildi.
Çäräniň çäklerinde Reading, Writing, Speaking, Grammar skills, ýagny Okamak, Ýazmak, Gürlemek we Grammatika başarnyklary boýunça jemi 50 sany ýumuş berildi.
ORIENT habarlar
Surat: unsplash.com / Compare Fibre
