Talyplar HHR-niň kompaniýasy bilen Amyderýada nebit almaga şertnama baglaşandyklaryny aýtdylar

Ýanwar 06, 2023 | 00:58 |10387

“Taliban” Owganystanyň demirgazygynda Amyderýadan nebit almak üçin hytaýly kompaniýa bilen şertnama gol çekdi diýip, Talyplaryň wekili Zabiulla Mujahid aýtdy.

“Şu şertnama boýunça nebit demirgazykdaky Sary-Pul, Jowuzjan we Farýab welaýatlarynyň 4,5 müň inedördül kilometr meýdançalaryndan gazylyp alnar” diýip, Mujahid habar berdi.

Onuň aýtmagyna görä, CPEIC hytaý kompaniýasy şu ýyl bu taslama 150 million dollar maýa goýar. Şertnama boýunça ilkibaşdan owgan hökümetiniň paýy 20% bolar, soňra bolsa 75%-e çenli ýokarlanar. Mujahid taslamada Owganystanyň üç müňe golaý raýatlarynyň işlejekdiklerini aýdyp, sözüniň üstüni ýetirdi.

ORIENT news