Zehinli çagalaryň 66-sy Gulbaba adyndaky çagalar baýragynyň eýesi boldy
Penşenbe güni Aşgabatda Türkmenistanyň Söwda-senagat palatasynyň sergi merkezinde Gulbaba adyndaky çagalar baýragyna mynasyp bolan çagalara baýrak gowşurylyş dabarasy geçirildi. Ýurduň ähli welaýatlaryndan 66 zehinli çaga ýörite diplomlar we gymmatbahaly sowgatlar gowşuryldy.
Bäsleşigiň düzgünlerine laýyklykda, oňa intellektual we döredijilik ýaryşlarynyň, ders olimpiadalarynyň we döwlet we halkara derejesindäki sport ýaryşlarynyň ýeňijileri – 18 ýaşa ýetmedikleriň ählisi gatnaşyp bilerler.
Türkmenistanda Gulbaba adyndaky çagalar bäsleşigi 30 ýyldan gowrak wagt bäri (1992-nji ýyldan bäri) geçirilýär we baýragyň özem zehinli oglan Gulbabajygyň adyny göterýär, ol 3 ýaşyndan başlap, dutar çalyp, öz aýdymlaryny aýdýardy.
Her ýyl geçirilýän döredijilik bäsleşiginiň guramaçylary Magtymguly adyndaky ýaşlar guramasy we Türkmenistanyň Bilim ministrligi bolup, olar baýrak alanlaryň hormatyna baýramçylyk konsertini hem guradylar. Tanymal aýdymçylar we tans toparlary, şeýle hem Gulbaba adyndaky baýragyň eýeleri çykyş etdiler.
ORIENT news
