«FLEX» maksatnamasy Türkmenistanyň mekdep okuwçylaryny ABŞ-da okamak üçin bäsleşige gatnaşmaga çagyrýar
Halkara bilim boýunça Amerikan geňeşlikleri Türkmenistanyň ýokary synp mekdep okuwçylary üçin «FLEX» maksatnamasynyň 2022-nji ýylda geçiriljek bäsleşiginiň rejesi barada habar berýär
Maksatnamanyň çäklerinde 2005-nji ýylyň 15-nji martyndan 2007-nji ýylyň 31-nji maýyna çenli doglan mekdep okuwçylary 2023-2024-nji okuw ýyly üçin maşgalalarda ýaşamaga we ABŞ-nyň mekdeplerinde okamaga mümkinçilik alarlar. Gatnaşyjylar üçin ähli syýahat we ýaşamak üçin çykdajylar ABŞ-nyň hökümetiniň doly maliýeleşdirmegi bilen maksatnama esasynda üpjün edilýär.
Birinji tapgyra ýazylyşyk 16-njy noýabrda açylar we 14-nji dekabra çenli dowam eder. Gatnaşmak isleýänler anketa doldurmaly FLEX
Bäsleşige soňky 5 ýylyň dowamynda ABŞ-da 3 aýdan köp ýaşamadyk, iňlis dilini gowy bilýän, orta mekdepde okaýan we mekdepdäki okuwlara ýetişigi gowy bolan, şeýle hem ABŞ-nyň wizasyny almak üçin talaplara laýyk gelýän Türkmenistanyň raýaty bolan ähli orta mekdep okuwçylary gatnaşyp bilerler.
Has giňişleýin maglumaty almak üçin (+993 63) 502036 telefon arkaly amerikan geňeşlikleriniň edarasyna ýüz tutup bilersiňiz.
ORIENT news
Surat: americancouncilstm.org
