Täze ýyla päk arzuwlar we uly ynam bilen gadam basyp – Prezidentiň ýüzlenmesinden
Türkmen lideri Serdar Berdimuhamedow watandaşlaryny Täze ýyl bilen gutlap, geçen ýylyň möhüm wakalaryny agzap geçdi, şolaryň hatarynda ulag, energetika, lukmançylyk ulgamlarynyň, durmuş düzümleriniň birnäçe iri desgalary, ýaşaýyş jaý toplumlary, 12-nji martda geçirilen Türkmenistanyň Prezidentiniň saýlawlary, Halk Maslahatynyň çözgütleri, geljek 30 ýyl üçin ýurdy durmuş-ykdysady taýdan ösdürmek baradaky maksatnamanyň kabul edilmegi görkezildi.
Döwlet baştutany Türkmenistanyň esasy üstünlikleriniň: oba hojalygyndaky düýpli özgertmeleri, ykdysadyýetiň nebitgaz, ulag-kommunikasiýa we söwda-telekeçilik ulgamlarynda, saglygy goraýyş pudagynda, bedenterbiýäni we sporty ösdürmkde, bilim ulgamyny döwrebaplaşdyrmakda, daşary syýasaty durmuşa geçirmekde hem-de beýlekiugurlar boýunça gazanylanlaryň üstünde durup geçdi, şolar boýunça işler şeýle ruhda dowam etdiriler.
“2023-nji ýylyň 1-nji ýanwarynda biz aýlyk zähmet haklarynyň, pensiýalaryň we döwlet kömek pullarynyň, talyp we diňlejýi haklarynyň möçberlerini 10% köpelderis. Munuň özi mähriban halkymyzyň hal-ýagdaýyny we durmuş taýdan goraglylygyny gowulandyrmak boýunça işlerimiziň dowamydyr” diýip, prezident belledi.
Serdar Berdimuhamedow hoşniýetli arzuwlar we ýagty umytlar bilen garşylaýan Täze ýylymyzyň parahatçylygyň, uly üstünlikleriň hem-de ýurdumyzyň we halkymyzyň bähbidine zähmetde beýik gazanylanlaryň ýyly bolmagyny arzuw etdi.
“Goý, Täze ýyl parahatçylygyň, bagtyýarlygyň, uly özgertmeleriň we bereket-bolçulygyň ýyly bolsun! Täze ýylda siziň mukaddes ojaklaryňyza abadançylyk we jebislik, egsilmejek bagt arzuw edýärin!” diýip, döwlet baştutany aýtdy.
ORIENT news
