Futbol dünýäsi ýitgini başdan geçirýär - Pele aradan çykdy
Dünýäniň üç gezek çempiony bolan braziliýaly Pele 82 ýaşynda aradan çykdy.
“Biz sizi çäksiz söýýäris. Ýatan ýeriň ýagty bolsun"- diýip, futbolçynyň gyzy Kelli Nasimimentu öz Instagramynda ýazýar. Ölümiň sebäbi “ýogyn içegäniň rak keseliniň otrisatel dinamikasy netijesinde organlaryň işlemegi bes etmegidir”.
29-njy noýabrda Braziliýanyň milli ýygyndysynyň öňki hüjümçisi saglygynyň ýaramazlaşmagy sebäpli, keselhana ýerleşdirilçär. Oňa böwrek we ýürek ýetmezçiligi diagnozy goýuldy.
Habar beriş serişdeleriniň habaryna görä, keseli bilen baglanyşykly geçirilen himiýa bejergisi oňyn netijäni bermegi bes edipdir.
Pele oýunçy hökmünde dünýäniň üç gezek çempiony bolan taryhda ýeke-täk futbolçydyr (1958, 1962 we 1970-nji ýyllarda).
Dünýä çempionatynyň jemleýji ýaryşlarynda ol jemi 14 oýna gatnaşdy we 12 pökgi geçirdi, şol sanda 3-si jemleýji eňiş gollarydyr.
Klub derejesinde Pele iki gezek Libertadores kubogyny we kontinentara kubogy (1962 we 1963-nji ýyllarda) gazanan Braziliýanyň “Santos” we Amerikanyň “Nýu-York Kosmos” klublarynda çykyş etdi.
FIFA Futbol toparynyň, World Soccer и France Football wersiýasy boýunça Pele XX asyryň iň gowy futbolçysy we Halkara olimpiýa komiteti tarapyndan XX asyryň iň gowy türgeni diýlip ykrar edildi.
ORIENT news
