Alymlar galaktikanyň täze synpyny açdylar, ondaky jisimler ýagtylygyň tizliginden hem çalt hereket edýärler
Russiýanyň alymlary galaktikanyň täze synpyny ýüze çykardylar, onda jisimlerň fizikanyň kanunyny bozup, ýagtylygyň tizliginden onlarça-ýüzlerçe esse çalt hereket edýändikleri çaklanylýar – diýip, TASS habar berýär.
Bu açyşy Kazan federal uniwersitetiniň (KFU) astronomlary Russiýanyň Ylymlar akademiýasynyň asman giňişliginiň ylmy-gözleg institutynyň (IKI RAN) alymlary bilen bilelikde etdiler.
Işjeň ýadrolary bilen galaktikalaryň täze toplumynyň öz hereketi ondaky jisimleriň ýagtylygyň tizliginden ýokary tizlikde hereket edip bilýändiklerine şaýatlyk edýär. Bu barada Russiýanyň alymlary tarapyndan seljerilen Ýewropanyň asman giňişligi agentliginiň GAIA hemrasynyň ölçegleri hem habar berýär.
Alymlar işjeň ýadrolary bolan jemi 500 sany galaktika tapdylar, olaryň adaty bolmadyk özboluşlylygy bar we olar fizikanyň käbir kanunlaryna boýun bolmaýarlar. Ýöne olar alnan maglumatlaryň dürli ýoýulmalar sebäpli nätakyk bolmagynyň mümkindigini hem tassyklaýarlar.
ORIENT habarlar
Surat: unsplash.com
