Arkalaşygyň ýurtlarynyň liderleri Täze ýyl mynasybetli GDA-nyň nyşany şekillendirilen ýüzük sowgat aldylar

Dekabr 28, 2022 | 00:53 |11605

Sankt-Peterburgda geçirilen resmi däl sammitde GDA ýurtlarynyň baştutanlaryna sowgat hökmünde ýüzüne Täze ýyl gutlaglary ýazylan “Klub ýüzügi” berildi diýip, “Birinjiniň Puly”-nyň telegram-ýaýlymy habar berýär.

Arkalaşygyň nyşany şekillendirilen ýüzügi sowgat hökmünde Türkmenistanyň prezidenti Serdar Berdimuhamedow hem aldy.

Ak we sary altynyň garyndysyndan dokuz ýüzük Demirgazyk paýtagtda 26-27-nji dekabrda geçirilen GDA-nyň liderleriniň resmi däl duşuşygyna gabatlanyp ýörite taýýarlanyldy. Bezeg önüminiň merkezinde GDA-nyň nyşany, içinde bolsa iri harplar bilen – “Täze 2023-nji ýyl bilen” diýen gutlag sözleri ýazylypdyr. Şeýle hem onda sammitiň geçirilen ýeri bolan döwletiň ady – Russiýa görkezilipdir diýilip, habarda aýdylýar.

Orient news