Putiniň ýanynda ertirlik naharynda: RF-niň prezidenti GDA-nyň liderlerini kaşa we leňňeçli dranika hödür etdi
Rusça resmi däl ýagdaý – Russiýanyň KHBS-leri Sankt-Peterburgyň muzeýinde GDA-nyň döwlet baştutanlary üçin Wladimir Putin tarapyndan guralan iş görnüşindäki ertirlik naharyny şeýle atlandyrdylar. Russiýanyň prezidentiniň hödür eden tagamlarynyň sanawynda kaşalaryň birnäçe görnüşi, miweli ter dorog, leňňeçli dranika hem-de balykly ýumurtga we gaýmakyly syrnikler boldy. Her kim öz islegine görä tagam saýlady.
Kaşalaryň arasynda däneli ösümliklerden taýýarlanylan tagamlaryň bäşisi, greçkaly we kişmişli süýtli tüwi hödürlenildi. Nahardan soň süýjülik hökmünde “Üç şokolad” diýen pirojny hem-de guradylan alça bilen örtülen çakyr şerbeti berildi diýip, RIA Nowosti habar berýär.
Wladimir Putiniň başlangyj bilen Peterburgda 26-27-nji dekabrda GDA ýurtlarynyň liderleriniň resmi däl duşuşygynyň geçirilendigini ýatlamak gerek. Oňa Azerbaýjanyň prezidenti Ilham Aliýew, Belorusyň prezidenti Aleksandr Lukaşenko, Gazagystanyň prezidenti Kasym-Žomart Tokaýew, Täjigistanyň prezidenti Emomali Rahmon, Türkmenistanyň prezidenti Serdar Berdimuhamedow, Gyrgyzystanyň prezidenti Sadyr Japarow, Özbegistanyň prezidenti Şawkat Mirziýoýew we Ermenistanyň premýer-ministri Nikol Paşinýan gatnaşdylar.
ORIENT news
