Serdar Berdimuhamedow GDA-nyň resmi däl sammitine gatnaşmak üçin Russiýa ugrady
Duşenbe güni Türkmenistanyň Prezidenti Serdar Berdimuhamedow GDA ýurtlarynyň baştutanlarynyň resmi däl sammitine gatnaşmak üçin Russiýa ugrady – diýip, TDH habar berýär.
Sankt-Peterburgda GDA-na girýän ýurtlaryň baştutanlary özara hereketleriň esasy ugurlaryny, şeýle hem halkara ähmiýetli meseleleri ara alyp maslahatlaşarlar – diýip Türkmen döwlet habarlar agentligi ýazýar.
Garaşsyz döwletleriň Arkalaşygynyň liderleri geçip barýan ýylyň esasy jemlerini jemlärler we hyzmatdaşlygyň ileri tutulýan ugurlary boýunça pikir alşarlar – diýip, düýn Kremliň metbugat gullygy habar berdi.
GDA-nyň liderleriniň resmi däl sammiti däp bolşuna görä her ýylda geçirilýän duşuşyga öwrüldi, ol her ýylyň soňunda Russiýanyň Demirgazyk paýtagtynda geçirilýär. Sammitiň çäklerinde şeýle hem döwlet baştutanlarynyň köp meýilnamaly hyzmatdaşlyga ýardam edýän ikitaraplaýyn duşuşyklar hem geçirilýär.
ORIENT news
Surat: unsplash.com
