Aşgabatda Dima Bilanyň we Nýuşanyň iň gowy hitleri ýaňlandy – wideo şekilli reportaž we söhbetdeşlik
Diňleýjileriň millionlarçasy tarapyndan söýülýän Dima Bilanyň we Nýuşanyň hit aýdymlary ýekşenbe güni Aşgabadyň Gyşky oýunlar sport toplumynyň arenasynda ýaňlandy.
Ilkinji bolup Nýuşa öz tans topary bilen sahna çykdy. Türkmen diňleýjileri aýdymçyny gyzgyn garşylady we onuň meşhur aýdymlaryna goşulyşdylar.
Biraz soňra sport toplumynyň sahnasynda Dima Bilanyň ýekelikdäki konserti boldy. Onuň bu çykyşy hakykatdan aýratyn boldy, sebäbi konsertiň öňüsyrasynda artist 41-nji doglan gününi Türkmenistanda belledi. Her aýdymyň öňünden ol mylaýym ýatlamalaryny we duýgylaryny diňleýjiler bilen paýlaşdy.
Duşenbe güni, 26-njy dekabrda, türk aýdymçylary Irem Deriji we Mustafa Sandal özleriniň türkmenistanly muşdaklaryny begendirerler. 27-nji dekabrda aýdymçy JONY-niň ýekelikdäki konserti bolar.
ORIENT habarlar
Surat we wideo şekil: Türkmenistanyň Döwlet teleradiosy
