TDHÇMB-ky söwdalaşyklar: BAE-ne nah ýüplügi eksport edildi
Penşenbe güni, 22-nji dekabrda Türkmenistanyň döwlet haryt çig mal biržasyndaky söwdalaşyklarda umumy bahasy 8,9 mln türkmen manadyna deň bolan 2 eksport geleşigi baglaşyldy – diýip, ORIENT-iň habarçysy habar berýär.
Birleşen Arap Emirliklerinden gelen telekeçi nah ýüplükleriniň jemi 661 müň 622 kilogramyny 28 945 962 türkmen manadyna satyn aldy.
Ýurdumyzyň Dokma senagaty ministrliginiň kärhanalarynda öndürilen önümiň her kilogramyna 43,75 manat baha berildi.
Söwdalaşyklara goýlan harytlar barada maglumatlar bilen Türkmenistanyň Döwlet haryt we çig mal biržasynyň resmi web saýty arkaly şu ýerden tanşyp bilersiňiz.
Oba hojalygy, senagat we aragatnaşyk bölümlerinde, şeýle hem söwda toplumynda söwdalaşyk duşenbe-anna günleri 16:00-da, şenbe güni sagat 11:30-da başlanýar. Nebit we gaz pudagynda birža söwdasy duşenbe-anna günleri 16:30-da, şenbe güni 12:00-da başlanýar.
Şol bir wagtyň özünde, tmex.gov.tm web sahypasynda, birža harytlaryny gönümel öndürijilerden satmak teklipleri bilen funksional platformanyň üsti bilen habarlaşyp bilersiňiz. Şeýle hem birža harytlarynyň satuwy barada bildirişleri hem çap edip bolýar.
ORIENT news
Surat: redaksiýa arhiwinden
