GDA-da birža maglumatlarynyň ýeke-täk binýadyny döretmek meýilleşdirýärler
Garaşsyz Döwletleriň Arkalaşygynda birža maglumatlarynyň Ýeke-täk binýadynyň döredilmegi mümkindir. Şu başlangyç bilen Belarussiýanyň köp ugurly haryt biržasynyň dolandyryş müdiri Aleksandr Osmalowskiý Sankt-Peterburgdaky GDA-nyň ýurtlarynyň biržalarynyň Halkara Assosiasiýasynyň ýanyndaky haryt bazarlary baradaky Komitetiň mejlisinde çykyş etdi – diýip, GDA-nyň Ýerine ýetiriji komitetiniň metbugat gullugy habar berýär.
Ol bütin dünýäde degloballaşma we sebitleşme prosesleri birža haryt bazarlarynyň ösüşine düýpli täsir etmegini dowam etdirýär – diýip, belledi. Şol sebäpli Arkalaşygyň biržalarynyň esasy öňde durýan wezipesi öz baha çelgileriniň döremegidir, ol bolsa birža söwdalaşyklaryna gatnaşýan agzalaryň netijeli baha syýasatyny düzüp bilmegi üçin esas bolar.
Aleksandr Osmolowskiý eýýäm häzirden Sankt-Peterburgdaky halkara haryt-çig mal biržasy bilen bilelikde ýeke-täk birža maglumatlar binýadynyň döredilmegi boýunça ädimleriň ädilýändigini hem habar berdi.
«Biz öz meýdançamyzda hödürlenen haryt orunlaryny seljerýäris, hyzmatdaşlyk edip biljek ugurlary gözleýäris, kotirowkalary, görkezijileri we beýleki baha görkezijilerini hasaplamak üçin ýeke-täk usulyýeti we çemeleşmäni işläp düzmäge synanyşýarys» – diýip, ol aýtdy we gyzyklanýan taraplary bu taslama goşulmaga çagyrdy.
ORIENT habarlar
Surat: alarmyk24.ru
