Ýewraziýanyň ösüş banky GDA-daky iň iri maýa goýum taslamalaryny atlandyrdy
Ýewraziýanyň ösüş banky Garaşsyz Döwletleriň Arkalaşygynyň göni daşary ýurt maýa goýumlarynyň möçberiniň monitoringini geçirdi, onuň netijeleri boýunça bu babatda GDA-nyň özara peýdaly hyzmatdaşlygy Hytaý, Eýran we arap döwletleri bilen has işjeň boldy – diýip, Ýewraziýanyň ösüş bankynyň saýty habar berýär.
Arkalaşygyň ýurtlarynyň bu ýurtlar bilen göni daşary ýurt maýa goýumlarynyň umumy möçberi $75 mlrd geçdi. Sebitiň öz içinde Gruziýany hem goşmak bilen, jemi maýa goýumlarynyň möçberi $44,6 mlrd boldy, onuň 80% Russiýanyň maýa goýumlarynyň paýyna düşýär.
Şeýle hem Russiýanyň häzirki wagta çenli GDA-da iň iri maýa goýumçy bolup galýandygy bellenilýär, ikinji ýerde – Gazagystan, üçünji ýerde iri maýa goýumçy – Azerbaýjandyr. Ýöne, Gazagystan başga ýerden alnan maliýe serişdeleriniň möçberi boýunça öňde barýar, çünki GDA-daky ähli göni daşary ýurt maýa goýumlarynyň dörtden birine golaýy onuň paýyna düşýär, onuň yzyndan bolsa Özbegistan we Belarussiýa gelýär.
Şu ugurda Türkmenistanyň orny üýtgeşikdir: ýurduň göni daşary ýurt maýa goýumlaryny eksport ediji däldigine garamazdan, ol import edýänleriň sanawyna girdi, bu bolsa ýurduň sebitde maýa goýumyny çekmek üçin amatlydygy bilen düşündirilýär.
ORIENT habarlar
Surat: news.myseldon.com
