Maryda basketbol boýunça ýaşlaryň arasynda Türkmenistanyň çempionaty badalga aldy
Dekabr 22, 2022 | 05:00 |9234
Maryda 22-nji dekabr, penşenbe güni 16 ýaşa çenli türgenleriň arasynda Türkmenistanyň basketbol boýunça çempionaty başlandy. Ýaryşlara bäş welaýatdan we Aşgabat şäherinden erkek we zenan toparlary gatnaşýarlar.
Çempionatyň ýeňijileri halkara ýaryşlaryna gatnaşmak üçin Türkmenistanyň basketbol boýunça ýygyndy toparynyň esasyny düzer.
Duşuşyklar Halkara basketbol federasiýasynyň (FIBA) we Milli basketbol federasiýasynyň düzgünlerine laýyklykda geçiriler.
Bu ýaryşyň duşuşyklarynda FIBA halkara derejesindäki emin Bagtyýar Ibragimow eminlik eder. Çempionat 27-nji dekabrda tamamlanar.
ORIENT news
