TDHÇMB-daky söwdalaşyklar: suwuklandyrylan gaz we eko-benzin uly islegden peýdalandy
Çarşenbe güni, 21-nji dekabrda Türkmenistanyň döwlet haryt-çig mal biržasyndaky söwdalaşyklarda umumy bahasy $15,7 mln dollarlyk 19 geleşik baglaşyldy – diýip, ORENT-iň habarçysy habar berýär.
Türkiýeden we Owganystandan gelen telekeçiler suwuklandyrylan gazy (her tonnasynyň bahasy $433) we mawy ýangyçdan öndürilen ECO-93 kysymly awtoulag ýangyjyny (her tonnasynyň bahasy $705) satyn aldylar.
Edil şol gün Birleşen Arap Emirliklerinden we Gyrgyzystandan gelen telekeçiler söwdalaşyklaryň barşynda tekiz boýalan we žakkard tüýjümek önümleriň 71,2 müň kilogramyny $391,6 müň amerikan dollaryna satyn aldylar.
Söwdalaşyklara goýlan harytlar barada maglumatlar bilen Türkmenistanyň Döwlet haryt we çig mal biržasynyň resmi web saýty arkaly şu ýerden tanşyp bilersiňiz.
Oba hojalygy, senagat we aragatnaşyk bölümlerinde, şeýle hem söwda toplumynda söwdalaşyk duşenbe-anna günleri 16:00-da, şenbe güni sagat 11:30-da başlanýar. Nebit we gaz pudagynda birža söwdasy duşenbe-anna günleri 16:30-da, şenbe güni 12:00-da başlanýar.
Şol bir wagtyň özünde, tmex.gov.tm web sahypasynda, birža harytlaryny gönümel öndürijilerden satmak teklipleri bilen funksional platformanyň üsti bilen habarlaşyp bilersiňiz. Şeýle hem birža harytlarynyň satuwy barada bildirişleri hem çap edip bolýar.
ORIENT habarlar
Surat: redaksiýanyň arhiwinden
