BAE-de halkara uçar gatnawlarynda geljekde pasportlary barlamak ulgamyndan ýüz döndermekleri mümkin
BAE Abu-Dabiniň halkara howa menzilinde pasport görkezmezden uçmaga mümkinçilik berýän täze biometriki tehnologiýalary synag edip başladylar – diýip, «Arabian Business» ýazýar.
Emeli intellektiň esasyndaky öňdebaryjy tehnologiýalar NEXT50 ýerli kompaniýanyň taslamasynyň çäklerinde amala aşyryldy. Olar howa menzilinde hasaba alynmagy tizleşdirmäge we pasportlara bolan talaby aradan aýyrmaga niýetlenendir.
Ulgam howa menzilinde birnäçe nokatlarda, şol sanda garaşylýan zalda we uçara münülen mahaly ýolagçylar baradaky maglumaty barlamak üçin ýokary tehnolgiýaly biometriki kameralardan peýdalanarlar, ýolagçynyň ýüzüniň şekilini derňemek bilen intellektual kameralar oňa syýahat etmäge rugsat edilendigini ýa-da edilmändigini barlaýarlar. Edil şu maglumat uçara münmezden ozal hem ulanylýar, bu bolsa resminamalary gaýtadan görkezmegi aradan aýyrýar.
Kompaniýanyň wekilleriniň aýtmagyna görä, taslama durmuşa geçirilenden soňra, Abu-Dabiniň howa menzili müşderiler bilen aragatnaşyk saklanylýan ähli nokatlarda biometriki çözgütleri bolan sebitdäki ýeke-täk howa menzili bolar.
ORIENT habarlar
Surat: arabianbusiness.com
