Türkmen-saud işewürlik geňeşi we Aşgabat bilen Er-Riýadyň bilelikdäki gün tertibinden beýleki mowzuklar
Duşenbe güni Aşgabatda Türkmenistanyň we Saud Arabystanynyň Daşary işler ministrleri Raşid Meredow bilen Faýsal bin Farhan Al Saud gepleşik geçirdiler.
Diplomatlar ýurtlaryň ikitaraplaýyn şertnamalaýyn-hukuk binýadyny, şol sanda konsullyk liniýasy boýunça giňeltmäge we söwda-ykdysady, söwda gatnaşyklaryny we maýa goýum hyzmatdaşlygyny işjeňleşdirmäge taýýardyklaryny mälim etdiler. Bu nukdaýnazardan, iki ýurduň işewür toparlarynyň arasynda göni aragatnaşyk gurmak üçin Türkmen-saud işewürlik geňeşini döretmegiň maksadalaýykdygy bellenildi.
Gepleşikleriň gün tertibinde nebit-gaz, himiýa, dokma we raýat awiasiýasy pudagyndaky hyzmatdaşlyk temalary hem bar, suw baýlyklaryny tygşytly peýdalanmak we çölleşmäge garşy göreş meselelerine hem üns berildi. Şeýle hem, taraplar 2023-nji ýylda Er-Riýadda geçirilmegi meýilleşdirilýän Söwda-ykdysady hyzmatdaşlyk boýunça bilelikdäki hökümetara toparyň indiki, 7-nji mejlisine taýýarlyk barada pikir alyşdylar.
ORIENT news
