ÝTÖB türkmen telekeçileri üçin dolandyryş boýunça maslahat beriş okuwyny gurady
Ýewropanyň Täzeleniş we ösüş banky Ýewropa Birleşiginiň maliýe taýdan goldaw bermegi bilen, maslahat bermek bilen meşgullanýan telekeçilere niýetlenen «Öz telekeçilik işiňizi ösdüriň» maksatnamasynyň çäklerinde dolandyryş boýunça maslahat beriş esaslaryna bagyşlanan türkmen telekeçileri üçin onlaýn-okuwyny gurady.
Okuwa gatnaşyjylar pudak standartlaryna laýyklykda ýokary hilli maslahat hyzmatlaryny bermegi, täjirçilik teklibini taýýarlamagy, taslamalary we iş toparyny dolandyrmagy we ş.m. öwrendiler.
Okuw oňa gatnaşyjylara maslahat bermek boýunça taslamanyň doly döwrüni öwrenmäge, netijeli maslahat bermegiň esaslaryna düşünmäge we esasy maslahat beriş usullaryny we gurallaryny nähili ulanmalydygyny öwrenmäge mümkinçilik berdi.
Interaktiw we amaly okuwyň esasy aýratynlygy amaly böleginiň bar bolan täjirçilik taslamalarynyň çäginde hakyky müşderileriň isleglerine esaslanyp amala aşyrylmagy boldy.
Okuw menejment boýunça tassyklanan şahadatnama eýe bolan tälimçi, öz VINK Consulting kompaniýasyny esaslandyran Naira Markarýan tarapyndan geçirildi.
ORIENT news
Surat: Yandex
