Lebapdaky täze şaly arassalaýjy kärhana 2023-nji ýylda şalynyň ilkinji hasylyny kabul eder
Dekabr 20, 2022 | 00:04 |6328
Kerki şäheriniň eteginde gurlan täze şaly arassalaýjy kärhana Lebap welaýatynyň Kerki we Halaç etraplaryndan ýygnalan ýokary hilli tüwiniň öndürilmegine ýardam eder – diýip, «Türkmenistan» gazeti habar berýär.
Toplumyň gurluşygyndaky esasy işler tamamlandy. Kärhana kompýuter tehnologiýalaryny ulanyp, şalyny netijeli arassalamak we sortlara bölmek üçin öňdebaryjy daşary ýurt kompaniýalarynyň enjamlary bilen enjamlaşdyrylar.
Daşky gurşawa zyýansyz ýörelge boýunça taslamasy ýerine ýetirilen kärhana indiki ýyldan başlap Gülüstanda iki müň gektara golaý meýdanda ösdürilip ýetişdiriljek şalynyň täze sortlaryny arassalamagy meýilleşdirýär.
ORIENT habarlar
Surat: e-cis.info
