Türkmenistanyň ulag-kommunikasiýa toplumy ýyly 115% ösüş depgini bilen tamamlaýar
Türkmenistanyň ulag-kommunikasiýa toplumy 2022-nji ýylyň geçen 11 aýynyň jemleri boýunça ýerine ýetirilen işleriň we hyzmatlaryň möçberi boýunça 115,1% ösüş depginini (geçen ýylyň degişli döwri bilen deňeşdirilende) görkezdi.
Ulaglaryň ähli görnüşleri boýunça ýükleri daşamagyň meýilnamasy 112,2%, ýolagçylary gatnatmak boýunça – 104,7% berjaý edildi. Ösüş depgin boýunça iň ýokary görkezijiler awtomobil ulagy ulgamynda – 129,8% hasaba alyndy. Onuň yzýany bilen suw ulaglary – 109,3%, demirýol ulaglary -- 105,2% gelýär. Pandemiýa sebäpli girizilen çäklendirmeler aýrylansoň, beýleki ýurtlar bilen howa gatnawlary, yzygiderli howa gatnawlarynyň ýygylygy we çäkleri tazeden dikledilýär.
«Türkmenaragatnaşyk» 107,7% ýetdi. Edara Türkmenistanda sanly ykdysadyýeti ösdürmek babatdaky möhüm wezipeleri çözmäge gatnaşýar.
Şeýle sanlary türkmen hökümetiniň anna güni geçirilen mejlisinde Ministrler Kabinetiniň ýanyndaky Ulag we kommunikasiýalar agentliginiň baş direktory Mämmethan Çakyýew hasabatynda getirdi. Şeýle hem ol birnäçe pudaklaýyn desgalaryň gurluşyklarynyň barşy barada hasabat berdi. Şol desgalaryň hatarynda paýtagtymyzyň Halkara howa menzilinde angarlar toplumy, Jebel şäherçesinde täze Halkara howa menzili, Serhetabat-Turgundy demir ýol geçelgesi we beýlekiler bar.
ORIENT news
