Daşary ýurtly aýdymçylar Gurbanguly Berdimuhamedowyň sözlerine "Ýaşasyn parahat durmuş!" atly türkmen aýdymyny ýerine ýetirdiler
Gurbanguly Berdimuhamedowyň sözlerine döredilen «Ýaşasyn parahat durmuş!» atly meşhur aýdymyň dünýäniň dürli dillerinde ýerine ýetirilmegi Halkara Bitaraplyk güni mynasybetli hemmelere ajaýyp aýdym-saz sowgady boldy.
Duşenbe güni paýtagtyň Mukamlar köşgünde geçirilen baýramçylyk konsertinde Türkmenistanda uly meşhurlyga eýe bolan aýdymyň daşary ýurtly aýdymçylar tarapyndan iňlis, rus, fransuz, hytaý we arap dillerinde ýerine ýetirilen wideoklipleriň tanyşdyrylyş dabarasy boldy. Daşary ýurtly aýdymçylar aýdymyň ýerine ýetirilişini wideoýazgy edip, Aşgabada ugradypdyrlar, şeýlelik bilen olar türkmen sungat işgärleriniň konsert programmasyna gaýybana gatnaşdylar.
Goşgynyň awtory Gurbanguly Berdimuhamedow ilkinji gezek bu eseri («Ýaşasyn parahat durmuş!») bir ýyl mundan öň, 2021-nji ýylyň 12-nji dekabrynda Halkara Bitaraplyk güni mynasybetli geçirilen dabarada ýerine ýetiripdi.
ORIENT news
