Geljek hepde Türkmenistanda gurak we sowuk howa bolar
Dekabr aýy hoşlaşýanyna gynanýan güýzüň ymykly giderine sypaýyçylyk bilen garaşyp, dessine özüniň gelendigini ýaňzytmak üçin ýeňiljek gar sepeläp, ýaşyl gazonlary, ýere tänip düşen ýapraklary we sosna şahalaryny ýukajyk ak ýapynja bilen örtdi. Gyşyň geleni mälim edildi, ýöne indiki hepde howanyň nähili boljakdygyny diňe indiki hepde bileris, sebäbi dürli howa-saýtlary dürli-dürli çaklamalary berýärler.
Howa şertlerini kesgitlemegi merkezi Russiýanyň ýewropa böleginiň üstünde ýerleşen aýazly antisiklon dowam etdirer. “MeteoŽurnalyň” habaryna görä, ol Türkmenistanyň günorta-gündogar çetinde ýerleşip, esasan noldan aşak howa temperaturasynyň bolmagy çaklanýar.
Beýleki howa saýtlary öz maglumatlarynda gijelerine noldan biraz aşak, gündizine bolsa howanyň temperaturasynyň noldan birneme ýokary bolmagyny çak edýärler. Hemme howa saýtlary biragyzdan gaty sowuk bolsa-da, ygalyň o diýen köp bolmajakdygy babatda ylalaşýarlar. Türkmengidrometeorologiýa baradaky gulluk tarapyndan 5-nji dekabr - “Biraz garly gije” diýlip, şahyrana bellenipdir. Aşgabatda duşenbe güni, Lebapda we Maryda bolşy ýaly, garyň ýagmagyna garaşylýar.
Şeýle-de bolsa, türkmen gyşynyň durnuksyzlygy hemmelere mälim we ol bizi geljekde mümkingadar, has amatly howa bilen begendirer. Howanyň sowuk döwründe gat-gat geýinmek we arassa ýüňden taýýarlanan eşikleri saýlamak maslahat berilýär.
ORIENT news
