Türkmenistanyň Daşary işler ministrliginde Täjigistanyň wekiliýeti bilen gepleşikler geçirildi
Penşenbe güni Türkmenistanyň Daşary işler ministri Raşid Meredow Täjigistanyň Daşary işler ministriniň orunbasary Sodik Imomi bilen duşuşdy. Diplomatlar türkmen-täjik hyzmatdaşlygynyň ileri tutulýan ugurlaryny ara alyp maslahatlaşdylar, şeýle-de halkara we sebit meselelerine garadylar.
Şeýle hem, şol gün Aşgabatda Türkmenistan bilen Täjigistanyň Daşary işler ministrlikleriniň arasynda syýasy geňeşmeler geçirildi. Türkmenistanyň wekiliýetine Daşary işler ministriniň orunbasary Wepa Hajyýew, Täjigistanyň wekiliýetine bolsa - Daşary işler ministriniň orunbasary ýolbaşçylyk etdi.
Taraplar iki ýurduň arasyndaky syýasy we diplomatik gepleşikleriň möhüm meselelerine garadylar, sebit we halkara gurluşlaryň, şol sanda BMG-nyň çäginde özara gatnaşyklary ara alyp maslahatlaşdylar.
Diplomatlar söwda-ykdysady, maýa goýum hyzmatdaşlygy barada pikir alyşdylar we oňa eksport-import amallaryny giňeltmekde täze mümkinçilikleri bermek kararyna geldiler.
ORIENT news
