Stenford alymlary beýnide döreýän çiş keseline garşy implant döretdiler
Beýni çişleri bejergisi iň agyr we kyn bolan çiş keslleriniň biridir. Bu kesel bilen kesellän hassalarda bejergi, adatça beýnidäki howply ýagdaýy aýyrmak üçin açyk kelle operasiýasyny, soň bolsa çynlakaý täsirleri bilen gelýän himiýa ýa-da radiasiýa bejergilerini öz içine alýar.
Stenford uniwersitetiniň lukmançylyk mekdebiniň gözlegçileri kiçijik simsiz enjamy tasladylar we syçanlarda synagdan geçirdiler. Enjam uzakdan işjeňleşdirilen implant bolup, bir çişe sanjylýan nanopartikullary gyzdyryp, kem-kemden rak öýjüklerini öldürip biler.
Stanford Lukmançylygynyň habar bermegine görä, Stenford uniwersitetiniň lukmançylyk mekdebiniň öňki gözlegçisi Hamed Arami, nanobölejikler arkaly bejergi usulynyň has maksatlydygyny we himiýa ýa-da radiasiýa bejergileri bilen deňeşdirilende ters täsirleriniň az boljakdygyny belleýär.
Gözlegçiler indi enjamy adam beýnisi üçin ulaltmagyň üstünde işleýärler. Stenford uniwersitetiniň lukmançylyk mekdebi geljekki bäş ýyldyň dowamynda enjamyň ösüşinde çalt ösüş gazanylsa, has çuňňur çişler üçin hem implant döredip boljakdygyna ynanýarlar.
ORIENT news
Surat: Stanford Health Care
