Türkmenistan Türki döwletleriň guramasynyň ministrler geňeşiniň mejlisine gatnaşdy
Türkiýäniň DIM-niň metbugat üçin berýän habaryna görä, Türkmenistan synçy ýurt hökmünde Türk döwletleri guramasynyň Daşary işler ministrleriniň geňeşiniň Stambulda geçirilen adatdan daşary mejlisine gatnaşdy.
Duşuşykda daşary syýasatyň möhüm meseleleri, dünýädäki çökgünlik, Türk döwletleri guramasynyň agzalarynyň arasyndaky infrastruktura baglanyşyklarynyň we erkin söwda şertnamasynyň işlenip taýýarlanmagyň möhüm ähmiýeti ara alnyp maslahatlaşyldy.
Duşugyň baş temasy 11-nji noýabrda geçiriljek Türki Döwletleriň Guramasynyň nobatdaky sammitini geçirmeklige taýýarlyk görmek meselesi boldy.
Mejlisiň türk dünýäsiniň beýleki döwletler bilen söwda dolanyşygynyň 700 milliard dollardan, agza ýurtlaryň içinde bolsa 20 milliard dollardan geçýändigi bellenildi. Duşuşyga gatnaşanlar daşary ykdysady gatnaşyklary ösdürmäge we agzalan görkezijileri artdyrmaga taýýardyklaryny mälim etdiler, şeýle hem umumy dünýä howpsuzlygy meselelerinde ylalaşyk tapmaklyga ygrarlydyklaryny nygtadylar.
Türkmenistan we Wengriýa Türki Döwletleriň Guramasynda synçy-ýurtlar bolup durýarlar.
ORIENT news
Surat: kun.uz
