Kabul Owganystany goldamak boýunça halkara toparyny döretmek baradaky başlangyjy goldady
TOLO news agentliginiň habar bermegine görä, Owganystan Yslam Emirliginiň Katardaky syýasy edarasynyň baştutany Suhail Şahin Owganystana degişli meseleleri çözmek boýunça halkara toparynyň döredilmegini goldady.
Şahiniň sözlerine görä, halkara toparynyň döredilmegi Owganystanyň daşarky dünýä bilen gatnaşyklaryny ýola goýmaklygyny işjeňleşdirer we mundan beýläk sanksiýalaryň azabyndan owgan halkyny dyndarmaga kömek eder.
Bu teklip bilen penşenbe güni Özbegistanyň prezidenti Şawkat Mirziýoýew Astanada geçirilen Aziýada özara hyzmatdaşlyk we ynamy berkitmek çäreleri boýunça Geňeşiniň (CICA) VI Sammitinde çykyş etdi.
«Bu teklip ýerliklidir, çünki şunuň ýaly zatlar Owganystan bilen daşarky dünýäniň arasyndaky gatnaşyklary üpjün eder», — diýip, TOLO news agentligi syýasatşynas Şir Hassan Hassanyň pikirini getirýär.
Doly derejeli gurama öwrülýän Aziýada özara hyzmatdaşlyk we ynamy berkitmek çäreleri boýunça Geňeşiň (CICA) çäklerinde ozal geçirilen duşuşyklarda Russiýa, Pakistan, Özbegistan we Eýran Owganystanda parahat durmuşy dikeltmek temasyny gozgapdylar. Ýeri gelende bellesek, Türkmenistan bu guramada synçy derejesine eýedir.
ORIENT news
Surat: asiaplustj.info
