Türkmenistanyň Prezidenti GDA ýurtlarynyň ykdysady sergi-ýarmarkasyny geçirmegi teklip etdi

Oktýabr 17, 2022 | 20:00 |6203

Çeşme:

Türkmenistanyň Prezidenti Serdar Berdimuhamedow, Astanada GDA-nyň sammitinde çykyş etmek bilen, mundan beýläkki özara hyzmatdaşlyk gatnaşyklaryny ýola goýmak, söwdany we dürli pudaklaryň gatnaşyklaryny dikeltmek üçin meýdança boljak GDA ýurtlarynyň köpugurly ykdysady sergi-ýarmarkasyny geçirmegi teklip etdi. Bu barada TDH habar berýär.

Şeýle hem sport babatda köp taraply hyzmatdaşlygy ösdürmek üçin GDA-nyň bedenterbiýe we sport boýunça Geňeşiniň saýasynyň astynda halkara sport oýunlaryny geçirmek boýunça Utgaşdyryjy komiteti döretmek barada başlangyç öňe sürüldi. Hususan-da, gürrüň yzygiderli esasda GDA girmeýän ýurtlaryň hem gatnaşmak mümkinçiligi bilen «Dostluk oýunlaryny» geçirmek hakynda barýar.

ORIENT news
Surat: kapital.kz