Aziýa-Ýuwaş umman forumynyň wekiliýeti Adalatçynyň Türkmenistandaky edarasyna baha berýär
Milli adam hukuklary institutlarynyň Aziýa-Ýuwaş umman forumynyň wekiliýeti Adalatçynyň edarasynyň mümkinçiliklerine baha bermek üçin Türkmenistana sapar bilen geldi, onuň netijeleri ýurduň Adalatçysynyň Strategiki iş meýilnamasyny düzmäge hyzmat eder.
Çarşenbe güni Türkmenistanyň Döwlet gümrük gullugynda wekiliýetiň Aşgabat şäherine saparynyň çäginde tanyşdyryş duşuşygy geçirildi. Bu barada gullugyň resmi saýtynda habar berilýär.
Duşuşygyň dowamynda taraplar Türkmenistanyň gümrük edaralary tarapyndan raýatlaryň hukuklarynyň upjün edilmegi we goralmagy boýunça işleriň durmuşa geçirilmegi barada pikir alyşdylar. Gümrük gullugy öz işinde kanunylyk, raýatlaryň kanunyň öňündäki deňligi, halkara hukugynyň umumy ykrar edilen kadalaryna laýyklykda olaryň hukuklarynyň we azatlyklarynyň berjaý edilmegi ýörelgelerinden ugur alýar.
Bellenilişi ýaly, Türkmenistanyň Döwlet gümrük gullugynyň we onuň işgärleriniň kararlarynyň ýurduň kanunçylygyna laýyklykda şikaýat edilmäge degişlidir. Şeýlelik bilen, 2022-nji ýylyň başyndan bäri raýatlardan 30 töweregi arzalara garalyp, olaryň ahlisi boýunça kanagatlanarly çözgütler kabul edilipdir.
ORIENT news
Surat: customs.gov.tm
