2023-nji ýylda Gyrgyzystana türkmen elektrik energiýasyny ibermek barada ylalaşyk taýýarlanylýar
Gyrgyzystan 2023-nji ýylda Türkmenistandan we Gazagystandan 2,6 mlrd.Kwt.s elektrik energiýany import eder. Bu barada penşenbe güni, 6-njy oktýabrda Žokorku Keneşiniň (parlament) mejlisinde energetika ministriniň wezipesini ýerine ýetiriji Taaýlaýbek Ibraýew aýtdy diýip, Tazabek habar berýär.
Ýolbaşçy importyň iki ýylyň dowamynda ýerine ýetirilýändigini ýatlatdy. Onuň sözlerine görä, häzirki günde 2 mlrd.Kwt.s türkmen elektrik energiýasyny üstaşyr geçirip almak boýunça Özbegistan bilen ylalaşyk taýýarlanyldy.
“12-14-nji oktýabr aralygynda biz Türkmenistanda bolarys hem-de 2 mlrd.Kwt.s elektrik energiýany almak barada ylalaşyga gol çekeris. Mundan başga-da, geljek ýylda biz doganlyk Gazagystandan 600 mln. kWt.s energiýany import ederis” diýip, ministriň w.ý.ý aýtdy.
ORIENT news
