Türkmenistan we Kamboja hyzmatdaşlygy giňeltmegiň geljegini ara alyp maslahatlaşdylar
Türkmenistanyň Daşary işler ministriniň orunbasary Berdinyýaz Mätiýewiň ýolbaşçylygyndaky türkmen wekiliýetiniň Aziýa Olimpiýa Geňeşiniň Baş Assambleýasynyň 41-nji mejlisine gatnaşmak üçin Pnompen şäherine amala aşyran saparynyň barşynda Türkmenistan bilen Kamboja Patyşalygynyň arasyndaky ikitaraplaýyn gatnaşyklary giňeltmegiň geljegi ara alyp maslahatlaşyldy. Bu barada Türkmenistanyň Daşary işler ministrliginiň saýtynda habar berilýär.
Taraplar iki ýurduň söwda-senagat edaralarynyň hem-de işewür toparlarynyň arasynda, şeýle hem medeniýet we jemgyýetçilik-ynsanperwer ugurlar boýunça hyzmatdaşlygyň mümkinçiliklerine garadylar, şunda ikitaraplaýyn gatnaşyklar üçin hukuk binýadyny giňeltmegiň zerurdygyny bellediler.
Aziýanyň Olimpiýa Geňeşiniň Baş Assambleýasynda Aziýa ýurtlarynyň sport pudagyndaky hyzmatdaşlygy ösdürmek meseleleri öwrenildi we Türkmenistanda uly sport çärelerini guramagyň geljegi ara alnyp maslahatlaşyldy.
ORIENT news
