Türkmenistanyň Gurluşyk we binagärlik ministrligi täze lukmançylyk edaralarynyň gurluşygy boýunça halkara bäsleşigini yglan etdi
Oktýabr 04, 2022 | 23:01 |8345
Türkmenistanyň Gurluşyk we binagärlik ministrligi 160 orunlyk Halkara pediatriýa merkeziniň we Stomatologiýa merkeziniň binalar toplumynyň taslamasyny düzmek we ony gurmak boýunça halkara bäsleşik yglan etdi.
Potratçylary saýlamak boýunça halkara bäsleşiklerini geçirmek baradaky bildirişler şu gün "Türkmenistan" gazetinde çap edildi.
Bäsleşige gatnaşmak üçin arzalar we teklipler 17-nji noýabra çenli Türkmenistanyň Gurluşyk we binagärlik ministrligi tarapyndan bellenilen tertipde kabul ediler.
Prezident Serdar Berdimuhamedow ozal türkmen paýtagtynda bar bolan Stomatologiýa merkezine ýüz tutýanlaryň sanynyň yzygiderli artýandygyny nygtap, şonuň ýaly ýene bir merkezi gurmagyň zerurdygyny aýdypdy.
ORIENT news
Surat: Google Maps
