Nebiti almagy azaltmak boýunça OPEK+ guramasynyň meýilnamalary sebäpli nebitiň nyrhy barha ýokarlanýar
Nebiti eksport edýän ýurtlaryň guramasynyň we onuň ýaranlarynyň nebitiň çykarylmagyny günde 1 million barrele çenli azaltmagy meýilleşdirýändigi baradaky habardan soň çig nebitiň bahasy birden ýokarlandy. Bu barada Investing.com maliýe platformasy habar berýär.
Nebitiň çykarylma derejesiniň peseldiljekdigi hakyndaky habaryň resmi yglan edilmegine çarşenbe güni Wenada geçiriljek OPEK+ guramasynyň mejlisinde garaşylýar. Bu toparyň şu ýylyň dowamyndaky ilkinji ýüzbe-ýüz duşuşygy bolar.
Iýun aýynyň ahyryna çenli brent kysymly nebit fyuçersleriniň birbada 23% pese gaçmagy bilen, OPEK+ guramasy 2022-nji ýylyň soňky çärýeginde dünýäde nebitiň bahasynyň düýpgöter peselmegi babatda alada bildirip başlady. Bu gara altynyň we tebigy gazyň ätiýaçlyklarynyň köpelmegi bilen ýüze çykypdy.
OPEK+ meýilnamalary sebäpli Aşgabat wagty bilen sagat 11:00-a çenli brent kysymly nebitiň bir barreliniň bahasy 89,4 dollara ýetdi.
ORIENT news
Surat: reuters.com
