Türkmenistan 5-nji oktýabrdan başlap Türkiýe bilen yzygiderli uçar gatnawlaryny dikelder

Oktýabr 03, 2022 | 17:30 |12514

Çeşme:

«Türkmenistan» awiakompaniýasy 5-nji oktýabrdan başlap Türkmenistan bilen Türkiýäniň arasyndaky yzygiderli ýolagçy uçar gatnawlaryny dikelder diýip, Atavatan Turkmenistan milli howa gatnawlary edarasyna salgylanyp habar berýär.

Türkiýe-Türkmenistan ugry boýunça uçarlara biletler eýýäm satuwa çykaryldy - olary Stambulyň halkara howa menzilindäki Türkmen awiakompaniýalarynyň kassasyndan satyn alyp bolar: «ekonom-klass» biletiň bahasy 403 ABŞ-nyň dollary, «biznes-klass» biletiniň bahasy 753 ABŞ-nyň dollary.

Koronawirus pandemiýasy zerarly 2020-nji ýylda togtadylan yzygiderli uçuşlar hepdede 4 gezek – duşenbe, çarşenbe, anna we ýekşenbe günleri amala aşyrylar.

ORIENT news
Suratlar redaksiýanyň arhiwinden