TDHÇMB-niň söwdalary: nah ýüplükleriň uly tapgyry eksporta ýerlenildi
Çarşenbe güni, 14-nji sentýabrda Türkmenistanyň Döwlet haryt-çig mal biržasynyň söwdalarynda umymy bahasy $1,4 million we 76,1 million manat bolan 15 geleşik baglaşyldy diýip, ORIENT-iň habarçysy habar berýär.
BAE, Gyrgyzystan hem-de Azerbaýjanyň wekilleri daşary ýurt puluna nah ýüplükleriň dürli görnüşleriniň jemi 500 müň kg-ny satyn aldylar. Geleşigiň umymy bahasy $1,4 müň deň boldy.
BAE-niň we Türkiýäniň wekilleri milli pulda umymy bahasy 11,2 million manat bolan 335 müň kg. nah ýüplükleriň dürli görnüşlerini satyn almak üçin geleşikleri baglaşdylar.
Beýik Britaniýanyň işewüri Türkmenistanyň Saglygy goraýyş we derman-senagaty ministrliginiň kärhanasynda öndürilen bir litrlik gaba guýulan 1%-li powidon-ýod ergininiň 12 müň sanysyny satyn aldy. Geleşigiň umumy bahasy 438,4 müň manada deň boldy.
Içerki bazarda ýerli telekeçiler 64,5 million manada granulirlenen tehniki kükürdiň 30 müň tonnasyny satyn aldylar
Söwdalara çykarylýan harytlar baradaky maglumatlar bilen Türkmenistanyň Döwlet haryt-çig mal biržasynyň şu salgy boýunça saýtyndan tanşyp bolar.
Oba hojalygy, senagat we kommunikasiýa, şeýle hem söwda toplumyna degişli ugurlar boýunça söwdalar duşenbe gününden-anna güni aralygynda 16:00-da, şenbe güni 11:30-da başlanýar. Nebit-gaz ugry boýunça birža söwdalary duşenbe gününden-anna güni aralygynda 16:30-da, şenbe güni 12:00-da geçirilýär.
Şunuň bilen bir wagtda, saýtda tmex.gov.tm döredilen degişli hyzmatlar arkaly göniden-göni öndürijiler bilen habarlaşyp, birža harytlarynyň söwdasynyň dowamy bilen tanşyp bolar. Şeýle hem birža harytlaryny satmak baradaky bildirişleri ýerleşdirmek mümkinçiligi elýeterlidir.
ORIENT news
Foto: unsplash.com
