Türkmenistanda eksport we import amallary ýeňilleşdirildi
Türkmenistanyň Gümrük kodeksi “"Eksport-import amallary üçin bir penjire" ulgamyny ornaşdyrmak” maddasy bilen dolduryldy, ol telekeçiniň haryt eksporty ýa-da importy üçin şol bir resminamalary dürli edaralara tabşyrmak zerurlygyny aradan aýyrar.
Bu ulgam bitewi döwlet maglumat web-portalynyň üsti bilen elýeter bolup, telekeçä ähli zerur resminamalary elektron görnüşde ygtyýarlandyrylan gulluklaryň hemmesine bir gezekde ugratmaga mümkinçilik berer. Bu söwda dolanyşygyna gatnaşýan kompaniýalaryň wagtyny we serişdelerini birnäçe esse tygşytlar, şeýle hem ýurduň üstaşyr mümkinçiliklerini artdyrar.
Aslynda, Türkmenistanyň Döwlet gümrük gullugy eýýäm 2020-nji ýylyň 1-nji ýanwaryndan elektron gümrük deklarasiýasyna geçipdi. Kodekse girizilen täze üýtgetme Türkmenistanyň serhedinden harytlaryň daşalyşyna gözegçilik işine gatnaşýan ähli gulluklary bitewi maglumat ulgamyna birikmäge we telekeçiden haryt eksporty ýa-da importy üçin şol bir resminamalary talap etmezlige borçlandyrýar.
ORIENT news
