Pandemiýa döwründe türkmen howa ýollary tarapyndan ýük daşamagyň göwrümi ep-esli artdy
Häzirki wagtda Türkmenistan tarapyndan ýurdumyzyň çäginiň üstünden uçmak üçin 53 howa ýoly üpjün edilip, soňky ýyllarda awiakompaniýalara uçuşlaryň bahasyny arzanlatmaga mümkinçilik berýän 16 sany täze ugur açyldy diýip, “Türkmenhowaýollary” agentliginiň başlygy Döwran Saburow Aşgabatda geçirilen halkara ulag forumyndaky çykyşynda aýtdy.
Ol, pandemiýa sebäpli dünýä boýunça raýat awiasiýasyndaky ýagdaýyň durnuksyzlygyna garamazdan, Türkmenistanda bu pudagyň döwletiň goldawy saýasynda durnuklylygyny saklandygyny belledi. Hususan-da, pandemiýa döwründe Aziýa we Ýewropa ýurtlaryna, ýagny Hytaýa, Taýlanda, Türkiýä, Birleşen Arap Emirliklerine, Russiýa Federasiýasyna, Gazagystana, Gyrgyzystana we Ýewropa ýurtlaryna ýük gatnawlaryny üstünlikli dowam etdirýän we dowam edýän milli gatnawçy – “Türkmenistan” awiakompaniýasyna subsidiýalar, ýeňillikli karzlar berildi. Mundan başga-da, bu döwürde ýük daşamagyň möçberi ep-esli artdy.
Saburow, Türkmenistanda raýat awiasiýasy pudagynda halkara hyzmatdaşlygy, durnukly multimodal koridorlary döretmekde ulaglaryň ähli görnüşleriniň arasyndaky özara täsiri üpjün etmek üçin ulag we üstaşyr koridorlaryny emele getirmäge ähli mümkinçilikleriň bardygyny nygtady.
ORIENT news
