TDHÇMB-niň söwdalary: BAE-niň telekeçileri nah ýüplük satyn aldylar
Şenbe güni, 16-njy iýulda Türkmenistanyň Döwlet haryt-çig mal biržasynyň söwdalarynda umumy bahasy $435,2 müň we 1,4 million manat bolan 4 geleşik baglaşyldy diýip, ORIENT-iň habarçysy habar berýär.
BAE-niň telekeçileri Dokma senagaty ministrliginiň kärhanalarynda öndürilen nah ýüplügiň dürli görnüşleriniň jemi 168 müň kg-ny satyn aldylar. Baglaşylan geleşikleriň umumy bahasy $435,2 müň deň boldy.
BAE-niň beýleki wekili söwdalarda umumy bahasy 1,4 million manat bolan dürli görnüşli nah ýüplükleriň 42 müň kg-ny satyn aldy.
Söwdalara çykarylýan harytlar baradaky maglumatlar bilen Türkmenistanyň Döwlet haryt-çig mal biržasynyň şu salgy boýunça saýtyndan tanşyp bolar.
Oba hojalygy, senagat we kommunikasiýa, şeýle hem söwda toplumyna degişli ugurlar boýunça söwdalar duşenbe gününden-anna güni aralygynda 16:00-da, şenbe güni 11:30-da başlanýar. Nebit-gaz ugry boýunça birža söwdalary duşenbe gününden-anna güni aralygynda 16:30-da, şenbe güni 12:00-da geçirilýär.
Şunuň bilen bir wagtda, saýtda tmex.gov.tm döredilen degişli hyzmatlar arkaly göniden-göni öndürijiler bilen habarlaşyp, birža harytlarynyň söwdasynyň dowamy bilen tanşyp bolar. Şeýle hem birža harytlaryny satmak baradaky bildirişleri ýerleşdirmek mümkinçiligi elýeterlidir.
ORIENT news
