Çalik Enerji Türkmenistanda bir ýarym ýylda gün-ýel elektrik bekedini gurar
“Türkmenenergo” döwlet elektroenergetika korporasiýasy Türkmenistanda ilkinji gün-ýel elektrik stansiýasyny gurmak üçin “Çalik Enerji Sanaýi we Tijaret A.Ş” türk kompaniýasy bilen şertnama baglaşar.
– Türkmenistanyň Prezidenti Serdar Berdimuhamedow anna güni Ministrler Kabinetiniň mejlisinde bu barada karara gol çekdi – diýip, resmi türkmen metbugaty ýazýar.
Bu taslamany durmuşa geçirmek üçin geçirilen tenderde ýeňiji bolan Çalik Enerji kompaniýasy innowasion desgasynyň taslamasyny işläp düzer we Balkan welaýatynyň Serdar etrabynda gurluşygyny ýerine ýetirer.
Şertnamada elektrik stansiýasynyň kuwwatynyň 10 MBt boljakdygy, we umumy ulgama baglanan inženerçilik ulgamlarynyň we suw üpjünçilik desgalarynyň oňa birikdiriljekdigi göz öňünde tutulýar. Şeýle hem, desga Serdar elektrik stansiýasyndan elektrik liniýasy çekiler.
Prezidentiň Kararyna laýyklykda, taslama 1,5 ýylda durmuşa geçirilmeli, ýagny gurluşyk 2022-nji ýylyň iýul aýynda başlanyp, 2024-nji ýylyň ýanwar aýynda desganyň ulanylmaga berilmegi meýilleşdirilýär.
Türkmenistandaky ilkinji gün-ýel elektrik bekedi sebit ähmiýetli ägirt uly eko-taslama bolan “Altyn Asyr” Türkmen kölüniň töwereginde döredilmegi meýilleşdirilýän şäherçelerdäki jaýlary elektrik energiýasy bilen üpjün eder.
ORIENT news
