Türkmenistan we Türkiýe täze ikitaraplaýyn ylalaşyklara gol çekdiler
Türkiýänyň wise-prezidenti Fuat Oktaý öz ýurdunyň wekiliýetine baştutanlyk edip, Aşgabada iş saparynyň barşynda Türkmenistanyň Söwda-senagat edarasynda geçirilen Ykdysady hyzmatdaşlyk boýunça hökümetara türkmen-türk toparynyň 6-njy mejlisiniň çäklerinde wise-premýer Batyr Atdaýew bilen duşuşdy.
Duşuşygyň dowamynda söwda, ulag, energetika, oba hojalygy we bilim ýaly köp pudaklarda hyzmatdaşlyk etmek bardaky meseleler ara alnyp maslahatlaşyldy. Duşuşyk tamamlanandan soň, ikitaraplaýyn ylalaşyklara gol çekmek dabarasy boldy.
Oktaý ýerli metbugat üçin beýýannamasynda türkmen wekiliýeti bilen işleriň depginli alnyp barylýandygy barada beýan etdi hem-de: “häzire çenli biziň gatnaşyklarymyz gowy derejede, ýöne, şu pursatdan başlap, şol gatnaşyklar has-da depginli häsiýetde dowam etdiriler. Biziň ykdysadyýet, söwda, ulag, medeniýet we durmuş ulgamlaryndaky gatnaşyklarymyz has-da işjeňleşer” diýip aýtdy.
Onuň sözlerine görä, Aşgabatda dürli ugurlarda ylalaşyklaryň 72-den gowrak bölümlerine gol çekildi. “Bu hereket etmegiň ýol kartasydyr. Biziň bu ýerde baş maksadymyz—söwda hyzmatdaşlygyny 5 milliard dollara ýetirmek ugrundaky wezipämizi durmuşa geçirmekden hem-de 10 milliard dollara tarap hereket etmekden ybarat” diýip, Oktaý aýtdy.
ORIENT news
