TDHÇMB-niň söwadalary: içerki bazarda elde dokalan halylar we polipropilen satyldy
Çarşenbe güni, 29-njy iýunda Türkmenistanyň Döwlet haryt-çig mal biržasynyň söwdalarynda umumy bahasy 47,6 million manat bolan 30 geleşik baglaşyldy diýip, ORIENT-iň habarçysy habar berýär.
Günüň dowamynda şertnamalaryň ählisi içerki bazarda ýerli telekeçiler tarapyndan baglaşyldy.
Türkmen işewürleri ýokary dykyzlykly Т60-475-119 görnüşli polietileniň jemi 2,5 müň tonnasyny saryn aldylar. Bu önüm boýunça geleşikleriň umumy bahasy 47,5 million manada barabar boldy.
Telekeçiler “ýeňil senagat” bölümi boýunça umumy bahasy 149,7 müň manatlyk elde dokalan türkmen halylaryny satyn aldylar.
Söwdalara şu gün (30-njy iýunda) çykarylýan harytlar baradaky maglumatlar bilen Türkmenistanyň Döwlet haryt-çig mal biržasynyň şu salgy boýunça saýtyndan tanşyp bolar.
Oba hojalygy, senagat we kommunikasiýa, şeýle hem söwda toplumyna degişli ugurlar boýunça söwdalar duşenbe gününden-anna güni aralygynda 16:00-da, şenbe güni 11:30-da başlanýar. Nebit-gaz ugry boýunça birža söwdalary duşenbe gününden-anna güni aralygynda 16:30-da, şenbe güni 12:00-da geçirilýär.
Şunuň bilen bir wagtda, saýtda tmex.gov.tm döredilen degişli hyzmatlar arkaly göniden-göni öndürijiler bilen habarlaşyp, birža harytlarynyň söwdasynyň dowamy bilen tanşyp bolar. Şeýle hem birža harytlaryny satmak baradaky bildirişleri ýerleşdirmek mümkinçiligi elýeterlidir.
ORIENT news
