Aşgabatda VI Hazar Sammiti açyldy
Aşgabatda VI Hazar Sammiti açyldy. Türkmenistanyň, Azerbaýjanyň, Gazagystanyň, Eýranyň we Russiýa Federasiýasynyň Baştutanlarynyň duşuşygy “Arkadag” myhmanhanasynda geçýär.
Ol gysga görnüşdäki mejlis bilen açyldy, ony Serdar Berdimuhamedow açdy.
Bäş ýurduň Liderleri şu gün Hazar sebitinde parahatçylygy, durnuklylygy we howpsuzlygy üpjün etmekden, söwda-ykdysady hyzmatdaşlykdan, ulag ulgamyndaky gatnaşyklardan başlap, ekologiýa, syýahatçylyk hem-de ynsanperwer ulgama degişli meselelere çenli giň gerimli ugurlara gararlar.
Döwlet Baştutanlarynyň duşuşygynyň öňýanynda daşary işler ministrleriniň maslahaty geçirildi, olar bilelikde 2002-nji ýylda geçirilen ilkinji Hazar sammitinden 20 ýyldan soň, türkmen paýtagtynda geçýän taryhy sammitiň gün tertibiniň üstünde işlediler.
Hususan-da, diplomatlar öz iş maslahatlaryny yzygiderli geçirmegi, Hazar deňziniň meseleleri boýunça ýokary derejeli Iş toparynyň ygtyýarlygyny giňeltmegi ylalaşdylar hem-de Teswirnamanyň tekstini kabul etdiler, şol Teswirnama ýokary derejede makullanylandan soňra, Sammitiň jemleýji resminamasy bolar.
ORIENT news
