Pugta we bölünmez howpsuzlyk Hazardaky özara gatnaşyklaryň esasy wezipesi we şertidir
Iýun 29, 2022 | 22:55 |10370
Türkmenistanyň Prezidenti Serdar Berdimuhamedow Hazar sebitinde pugta, uzakmöhletli we bölünmez howpsuzlygyň üpjün edilmegini deňizde bäştaraplaýyn hyzmatdaşlygyň üstünlikli bolmagynyň esasy wezipeleriniň biri, şonuň bilen birlikde, aýrylmaz şerti diýip atlandyrdy.
Hazar sebitiniň parahatçylyk we ösüş üçin töwekgelçiliklere sezewar bolman, durnuklylyk we ynam zolagy bolup galmagy üçin terrorçylyga, neşe serişdeleriniň bikanun dolanyşygyna, guramaçylykly jenaýata we beýleki bikanun hereketlere garşy bilelikde göreşmek zerurdyr. Türkmenistanyň döwlet baştutanynyň pikiriçe, bu ugurda özara gatnaşyklar barlyşyksyz, yzygiderli we aç-açan bolmalydyr.
ORIENT news
